သတိရလွန်းလို့
တိမ်မြုပ်ပျောက်ကွယ်သွားတော့မယ့်
အိမ်မက်ခပ်ဝါးဝါးတွေကို
အလွမ်းခြင်းကြားနဲ့ငါ
ဆယ်ယူဖို့ကြိုးစားနေမိတာလည်း
မကြာခဏပါပဲ...............။
မင်းရဲ့နှလုံးသားထဲမှာ
ငါနေရာယူချင်မိတာလည်း
အချစ်ရဲ့တစ်ကိုယ်စာလေးပါပဲ
တစ်သက်စာပါမစ်နဲ့
ငြိမ်းချမ်းစွာနေထိုင်ခွင့်လေးရအောင်ပဲ
ငါကြိုးစားနေမိတာပါ........။
ကမ္ဘာကြီးသာ ရွာကြီးတစ်ရွာဆိုရင်တော့
လောလောဆယ် ကမ္ဘာ့ရွာကြီးထဲမှာ
ငါရွာလည်နေတယ်ချစ်သူ..........။
တစ်ခန်းရပ်ပြဇာတ်တွေကိုပဲ
ငါလေကပြနေရလွန်းတော့လည်း
မင်းပေးခဲ့တဲ့အိမ်မက်ရှည်လေးကိုပဲ
ငါ့မှာတမ်းတမ်းတတနဲ့ အိမ်မက်ထဲမှာပဲ
မနိုးတမ်းနေချင်နေမိတဲ့
အိပ်ပုပ်ကြီးတဲ့ ကောင်လေးတစ်ယောက်ဟာ
ငါပဲဆိုပါတော့..........။
No comments:
Post a Comment