“ ရုတ်တရက်ပါ
မဖိတ်ခေါ်ပဲ ဝင်လာခဲ့တာ..
ငြိမ်သက်နေတဲ့ နှလုံသားလေး
ဟိုဒီပြေးတော့ မောရပြီပေါ့။
ရုတ်တရက်ပါ
ပြောမကုန်တဲ့ ချစ်စကားများ
ဒိုင်ယာရီတွေ ပုံလို့သွားမယ့်
ရင်ခုန်သံက တေးသီပေးခဲ့။
ရုတ်တရက်ပါ
စား၊သွား၊နိုး၊ထ မေ့မရကြ
စွဲလမ်းစိတ်က အရိပ်လေလား
ထင်မှတ်ထားကြ။
ရုတ်တရက်ပါ
ကံကြမ္မာလှည့်ပြောင်း အကြင်နာတွေဟောင်း
ဝေဒနာတွေ ထပ်လောင်းခဲ့
မျှော်လင့်ချက်တို့ ပျက်ဆီးမယ့်
တံတိုင်းတစ်ခုက ကာဆီးခဲ့။
ဘယ်လိုပြောမလဲ? ဘာကိုအပြစ်ပုံမလဲ?
အကြင်နာဆိုသာ ရှင်သန်စရာမဟုတ်လေတော့
သင်္ချာလိုတွက် မေတ္တာဈေးကွက်
ငါနှုတ်ထွက်ပြီ။
ဟိုစဉ်စကား ပေးထားဂတိများ
လေလံဈေးဝယ် ကျန်ခဲ့လေပြီ။
တို့များအချစ် ပြန်ဆန်းစစ်တော့
အရောင်ဖုံးခဲ့ တစ်ခဏနသာ
ဒီဘဝမှာ ရုတ်တရက်ပါ။ "
No comments:
Post a Comment